15 November 2022 , 9:39 AM
ശബരിമല: ഈ വര്ഷത്തെ മണ്ഡലകാല തീർത്ഥാടനത്തിനായി ശബരിമല ശ്രീ ധര്മ്മശാസ്താ ക്ഷേത്ര നട നാളെ വൈകുന്നേരം തുറക്കും. ക്ഷേത്രതന്ത്രി കണ്ഠര് രാജീവരുടെ മുഖ്യകാര്മികത്വത്തില് ക്ഷേത്ര മേല്ശാന്തി എന്. പരമേശ്വരന് നമ്പൂതിരി, വൈകുന്നേരം അഞ്ചിന് ക്ഷേത്ര ശ്രീകോവില് നട തുറന്ന് ദീപങ്ങള് തെളിക്കും. ശേഷം ഉപദേവതാ ക്ഷേത്ര നടകളും തുറന്ന് വിളക്ക് തെളിക്കും. പിന്നീട് പതിനെട്ടാം പടിക്ക് മുന്നിലുള്ള ആഴിയിലും മേല്ശാന്തി അഗ്നി പകരും. തുടർന്ന് ഇരുമുടി കെട്ടുമേന്തി വരുന്ന അയ്യപ്പഭക്തർക്ക് പ്രവേശനമുണ്ടാകും. തന്ത്രി ഭക്തര്ക്ക് വിഭൂതി പ്രസാദം വിതരണം ചെയ്യും. ഇതോടെ രണ്ടു മാസം നീണ്ടു നിൽക്കുന്ന മണ്ഡല, മകരവിളക്ക് മഹോൽസവത്തിലേയ്ക്ക് പൂങ്കാവനം ഉണരുകയായി.
നട തുറക്കുന്ന ദിവസം പ്രത്യേക പൂജകള് ഒന്നും ഉണ്ടാവില്ല. നിയുക്ത ശബരിമല മേല്ശാന്തി ജയരാമന് നമ്പൂതിരിയുടെയും നിയുക്ത മാളികപ്പുറം മേല്ശാന്തി ഹരിഹരന് നമ്പൂതിരിയുടെയും അഭിഷേക, അവരോധന ചടങ്ങുകളും നാളെ വൈകുന്നേരം നടക്കും. ഇരുമുടി കെട്ടുമായി പതിനെട്ടാം പടി കയറിവരുന്ന ശബരിമല, മാളികപ്പുറം മേല്ശാന്തിമാരെ നിലവിലെ മേല്ശാന്തി എന്. പരമേശ്വരന് നമ്പൂതിരി പതിനെട്ടാം പടിക്ക് മുകളില് വച്ച് കൈപിടിച്ച് കയറ്റി ശ്രീകോവിലിനു മുന്നിലേക്ക് ആനയിക്കും. പിന്നീട് തന്ത്രി കണ്ഠര് രാജീവര്, ശബരിമല മേല്ശാന്തിയെ അയ്യപ്പന് മുന്നില് വച്ച് കലശാഭിഷേകം നടത്തി അവരോധിക്കും. ശേഷം തന്ത്രി മേല്ശാന്തിയെ ശ്രീകോവിലിനുള്ളിലേക്ക് കൈപിടിച്ച് കയറ്റി, നട അടച്ച ശേഷം മേല്ശാന്തിയുടെ കാതുകളില് അയ്യപ്പന്റെ മൂലമന്ത്രം ഓതി കൊടുക്കും. ഇതിനു പിന്നാലെ മാളികപ്പുറം ക്ഷേത്ര ശ്രീകോവിലിനു മുന്നില് വച്ച് മേല്ശാന്തി ഹരിഹരന് നമ്പൂതിരിയെ കലശാഭിഷേകം നടത്തി അവരോധിക്കും. വൃശ്ചികം ഒന്നായ നവംബര് 17ന് പുലര്ച്ചെ പുറപ്പെടാ ശാന്തിമാരായ ഇവരായിരിക്കും ഇരു ക്ഷേത്ര നടകളും തുറക്കുക.
ഒരു വര്ഷത്തെ സാധന പൂര്ത്തിയാക്കിയ നിലവിലെ മേല്ശാന്തി പരമേശ്വരന് നമ്പൂതിരി രാത്രി തന്നെ പതിനെട്ടാം പടികളിറങ്ങി അയ്യപ്പനോട് യാത്ര ചൊല്ലി മടങ്ങും. നവംബര് 17 മുതല് ഡിസംബര് 27 വരെയാണ് മണ്ഡല ഉത്സവ കാലം. മകരവിളക്ക് ഉത്സവത്തിനായി ശബരിമല ക്ഷേത്രനട ഡിസംബര് 30ന് തുറക്കും. 2023 ജനുവരി 14ന് ആണ് മകരവിളക്ക്.
04 November 2023 , 9:51 AM
03 November 2023 , 4:10 PM
03 November 2023 , 12:33 PM
03 November 2023 , 12:30 PM
Comments
RELATED STORIES
നീലംപേരൂർ പൂരം പടയണി ഇന്ന്
14 September 2023 , 8:10 AM
വിജയാദ്രി എന്ന വെന്നിമല
31 July 2023 , 1:48 PM
കൈനടി കരുമാത്ര ക്ഷേത്രത്തിലെ കര്ക്കിടക വാവ് തിരുവുത്സവം 17ന്
13 July 2023 , 7:00 PM
ത്യാഗത്തിന്റെയും സഹനത്തിന്റെയും ഓർമ്മ പുതുക്കലായി ബലി പെരുനാൾ
28 June 2023 , 9:03 AM
ഓച്ചിറക്കളി നാളെ മുതല്
15 June 2023 , 4:15 PM
മിഥുനമാസ പൂജകള്ക്കായി ശബരിമല ക്ഷേത്രനട ഇന്ന് തുറക്കും
15 June 2023 , 7:42 AM