വാഗമൺ: സഞ്ചാരികൾക്ക് ആവേശമായി വാഗമൺ ഗ്ലാസ്‌ ബ്രിഡ്ജ് ശ്രദ്ധേയമാകുന്നു. ഒരേ സമയം 15 പേർക്ക് കയറാവുന്ന പാലത്തിൽ അഞ്ചുമുതൽ പരമാവധി 10 മിനിറ്റുവരെ നിൽക്കാൻ അനുവദിക്കും. പ്രായഭേദമെന്യേ 500 രൂപയാണ് ഫീസ്. സമുദ്രനിരപ്പിൽ നിന്ന് 3500 അടി ഉയരത്തിലുള്ള ചില്ലുപാലത്തിന്റെ നീളം 40 മീറ്ററാണ്. ഡി.റ്റി.പി.സി നേതൃത്വത്തിൽ സ്വകാര്യ പങ്കാളിത്തത്തോടെ ജില്ലാ ടൂറിസം പ്രമോഷൻ കൗൺസിലിന്റെ അഡ്വഞ്ചർ പാർക്കിലാണ് ക്യാൻഡിലിവർ ഗ്ലാസ് ബ്രിഡ്ജ് നിർമിച്ചിരിക്കുന്നത്. നിരവധി സഞ്ചാരികളാണ് ഗ്ലാസ് ബ്രിഡ്ജിൽ കയറാനായി അവധി ദിനങ്ങളിൽ പ്രവഹിക്കുന്നത്.