തിരുവനന്തപുരം:  വീട്ടിൽ കയറി വീട്ടമ്മയായ യുവതിയെ മാനഭംഗപ്പെടുത്താൻ ശ്രമിച്ച കേസിൽ വെള്ളറട പൊലീസ് അറസ്റ്റ് ചെയ്ത പ്രതി പൂവത്തൂർ സ്വദേശി അനുരാജി(22)നെ നെയ്യാറ്റിൻകര കോടതി റിമാൻഡ് ചെയ്തു. കഴിഞ്ഞ തിങ്കളാഴ്ചയായിരുന്നു സംഭവം. ഓട്ടോറിക്ഷയിലാണ് ഇയാളെത്തിയത്. അമ്മയെ കടന്നുപിടിക്കുന്നത് കണ്ട് കരഞ്ഞുകൊണ്ട് വന്ന രണ്ടരവയസുള്ള കുട്ടിയെ ഇയാൾ ചവിട്ടിയെറിഞ്ഞു.നിലവിളി കേട്ടെത്തിയ നാട്ടുകാരാണ് വിവരം പൊലീസിനെ അറിയിച്ചത്. വൈകാതെ പ്രതിയെ തിരിച്ചറിഞ്ഞു.