02 November 2023 , 12:24 PM
ആലപ്പുഴ: വീടിനോടു് ചേർന്നുള്ള ഷെഡിന് തീപിടിച്ചപ്പോൾ രക്ഷാപ്രവർത്തനത്തിനെത്തിയ അയൽവാസിയായ യുവാവിനെ കുഴഞ്ഞുവീണ് മരിച്ച നിലയിൽ കണ്ടെത്തിയ സംഭവം ഹൃദയാഘാതമെന്ന് പ്രാഥമിക നിഗമനം. മിത്രക്കരി തെക്കേമഠം ബാബുവിന്റെ പുത്രൻ അരുൺ (33) ആണ് മരിച്ചത്.
മുട്ടാർ ഗ്രാമ പഞ്ചായത്തിൽ പന്ത്രണ്ടാം വാർഡ് മിത്രക്കരിയിൽ കാരേക്കാട്ട്, കെ ജി സുഭാഷ് എന്നയാളിൻ്റെ വീടിനോട് ചേർന്നുള്ള ഷെഡിനാണ് തീപിടിച്ചത്. ബിൽഡിംഗ് കോൺട്രാക്ടർ ആയ സുഭാഷ് വീട് നിർമ്മാണത്തിന് ആവശ്യമായ തടി ഉരുപ്പടികൾ നിർമ്മിക്കുന്ന ഷെഡിനാണ് തീപിടിച്ചത്. ഇന്നലെ വെളുപ്പിന് മൂന്നുമണിക്കാണ് സംഭവം ഉണ്ടായത്. തീ ആളിപ്പടരുന്നത് കണ്ട അയൽവാസികളും ചങ്ങനാശ്ശേരി, ആലപ്പുഴ ഫയർ ഫോഴ്സ് സംഘവും ചേർന്നാണ് തീയണച്ചത്. നിർമ്മാണത്തിലിരിക്കുന്ന ജനൽ, വാതിൽ, കട്ടിളകളും മറ്റ് തടി ഉരുപ്പടികളും ഭാഗികമായി കത്തി നശിച്ചു. തീപിടുത്തം ഉണ്ടായതിന്റെ കാരണം വ്യക്തമായിട്ടില്ല. സംഭവസ്ഥലത്ത് ഓടിഎത്തിയ അയൽവാസിയായ മിത്രക്കരി തെക്കേമഠം ബാബുവിന്റെ പുത്രൻ അരുൺ (33) കുഴഞ്ഞു വീണതിനെത്തുടർന്ന് ചങ്ങനാശ്ശേരി അഗ്നിരക്ഷാ നിലയത്തിലെ വാഹനത്തിൽ ചങ്ങനാശ്ശേരി താലൂക്ക്ഹോസ്പിറ്റലിൽ എത്തിച്ചെങ്കിലും മരണപ്പെട്ടു. പോസ്റ്റ്മോർട്ടം ചെയ്തതിനെ തുടർന്നാണ് മരണകാരണം പുറത്തുവന്നത്. ഭാര്യ ശില്പ , മകൾ : നിള. പോസ്റ്റ്മോർട്ടതിനു ശേഷം യുവാവിന്റെ മൃതദേഹം വീട്ടിലെത്തിച്ചു. സംസ്കാരം ഇന്ന് ഉച്ചകഴിഞ്ഞ് രണ്ടിന് വീട്ടുവളപ്പിൽ നടക്കും.
03 November 2023 , 4:10 PM
03 November 2023 , 12:30 PM
02 November 2023 , 12:25 PM
01 November 2023 , 1:45 PM
Comments
RELATED STORIES
ഫുഡ് വ്ളോഗര് രാഹുൽ എൻ കുട്ടി മരിച്ച നിലയിൽ
04 November 2023 , 9:51 AM
മഴയ്ക്ക് സാധ്യത;വിവിധ ജില്ലകളിൽ ഓറഞ്ച്, യെലോ അലർട്ടുകൾ പ്രഖ്യാപിച്ചു
03 November 2023 , 12:33 PM
ടാറ്റൂ സ്റ്റുഡിയോയുടെ മറവിൽ ലഹരിക്കച്ചവടം; തലസ്ഥാനത്ത് വൻ എംഡിഎംഎ ശേഖരം പി..
03 November 2023 , 11:24 AM
തിരൂരങ്ങാടിയിൽ ഹണി ട്രാപ്പിലൂടെ പണം തട്ടിയ യുവതിയും സുഹൃത്തും അറസ്റ്റിൽ
03 November 2023 , 10:41 AM
ഗവർണർക്കെതിരെ നീക്കവുമായി സംസ്ഥാന സര്ക്കാര്; സുപ്രീംകോടതിയിൽ ഹർജി നൽകി
02 November 2023 , 11:34 AM
ആറളത്ത് മാവോയിസ്റ്റുകളുടെ വെടിവെപ്പ്
02 November 2023 , 11:15 AM