പാലക്കാട്: ഭര്‍ത്താവിനെ ഭാര്യ കഴുത്ത് ഞെരിച്ച് കൊന്നു, ശേഷം കിണറില്‍ ചാടി ആത്മഹത്യ ശ്രമം. ഭാര്യ അറസ്റ്റില്‍. പാലക്കാട് കടമ്പഴിപ്പുറത്താണ് ഭര്‍ത്താവിനെ ഭാര്യ കഴുത്ത് ഞെരിച്ച് കൊലപ്പെടുത്തിയത്.
ഇന്നലെയാണ് പ്രഭാകരന്‍ നായരെ വീട്ടിനുള്ളില്‍ മരിച്ച നിലയില്‍ കണ്ടെത്തിയത്. ശാന്തകുമാരിയാണ് ഭര്‍ത്താവിനെ കൊലപ്പെടുത്തിയത്. കൊലപാതകത്തിന് ശേഷം ശാന്തകുമാരി കിണറില്‍ ചാടി ആത്മഹത്യയ്ക്കും ശ്രമിച്ചു. ചൊവ്വാഴ്ച രാത്രിയാണ് സംഭവം നടന്നത് എന്നാണ് ശാന്തകുമാരി പൊലീസിന് നല്‍കിയ മൊഴി.
ഇന്നലെ രാവിലെയാണ് കിണറില്‍ ചാടി ആത്മഹത്യയ്ക്കും ശ്രമിക്കുന്നത്. വിവരം അറിഞ്ഞ നാട്ടുകാര്‍ അഗ്‌നശമന സേനയെയും പൊലീസിനെയും വിവരം അറിയിച്ചു. തുടര്‍ന്ന് ഇവരെ രക്ഷിക്കുന്നു. പിന്നീടാണ് പ്രഭാകരന്‍ നായരെ മരിച്ച നിലയില്‍ കണ്ടെത്തിയത്.
പ്രഭാകരന്‍ നായരുടെ പോസ്റ്റ്‌മോര്‍ട്ടത്തില്‍ മരണത്തില്‍ സംശയം തോന്നി. പിന്നീട് ശാന്തകുമാരിയെ ചോദ്യം ചെയ്തതിലൂടെയാണ് കൊലപാതക വിവരം പുറത്തറിഞ്ഞത്. ശാന്തകുമാരിയെ കടമ്പഴിപ്പുറം പൊലീസ് അറസ്റ്റ് ചെയ്തു.