ദോഹ: ആ കാത്തിരിപ്പ് ഒടുവിൽ വിരാമമായി! 12 വർഷമായി ലോകം മുഴുവനും ശ്വാസമടക്കി കാത്തിരുന്ന നിമിഷം ഒടുവിൽ എത്തി.
നവംബർ 20 ഞായറാഴ്ച വൈകുന്നേരം അൽ ഖോറിലെ ബദൂവിന്‍ മാതൃകയില്‍ നിര്‍മ്മിച്ച കൂടാരം പോലെയുള്ള അൽ ബൈത്ത് സ്റ്റേഡിയത്തിൽ ലോകത്തെ വിസ്മയിപ്പിക്കുന്ന കാഴ്ച്ചകള്‍ക്ക് അരങ്ങേറി.
അമീർ എച്ച്എച്ച് ഷെയ്ഖ് തമീം ബിൻ ഹമദ് അൽതാനി, പിതാവ് അമീർ എച്ച്എച്ച് ഷെയ്ഖ് ഹമദ് ബിൻ ഖലീഫ അൽ താനി, ഫിഫ പ്രസിഡന്റ് ജിയാനി ഇൻഫാന്റിനോ, കൂടാതെ ലോകമെമ്പാടുമുള്ള നിരവധി പ്രസിഡന്റുമാരും രാഷ്ട്രത്തലവന്മാരും മറ്റ് നേതാക്കളും മിഡിൽ ഈസ്റ്റിലും അറബ് ലോകത്തും ആതിഥേയത്വം വഹിക്കുന്ന ആദ്യത്തെ ഫിഫ ലോകകപ്പിന്റെ തുടക്കം ചരിത്രത്തിന്റെ ചുരുളഴിയുന്നതിന് സാക്ഷ്യം വഹിക്കാൻ ചടങ്ങിൽ സന്നിഹിതരായിരുന്നു.
എല്ലാ ദേശീയതകളിലും വിശ്വാസങ്ങളിലും പെട്ടവരെ ഒരുമിച്ചുകൂട്ടിയതായി തന്റെ ഉദ്ഘാടന പ്രസംഗത്തിൽ അമീർ ഷെയ്ഖ് തമീം ബിൻ ഹമദ് അൽ താനി പറഞ്ഞു.
“ഖത്തറിൽ നിന്ന്, അറബ് ലോകത്ത് നിന്ന്, 2022 ലെ ലോകകപ്പിലേക്ക് എല്ലാവരേയും ഞാൻ സ്വാഗതം ചെയ്യുന്നു. ആളുകൾക്ക് അവരുടെ വൈവിധ്യം ആഘോഷിക്കാൻ തങ്ങളെ വേർതിരിക്കുന്നതും അവരെ ഒരുമിച്ച് കൊണ്ടുവരുന്നതും മാറ്റിവെക്കാൻ കഴിയുന്നത് എത്ര മനോഹരമാണ്,” അമീർ പറഞ്ഞു.