തിരുവനന്തപുരം: സംസ്ഥാനത്ത് ഓണക്കാലത്തെ പ്രതീക്ഷിച്ച് പുറത്തിറക്കുന്ന ചിത്രങ്ങള്‍ ഇന്ന് റിലിസാകും. മലയാളത്തിലെ സൂപ്പര്‍ സ്റ്റാറുകളുടെ ചിത്രങ്ങള്‍ ഇത്തവണ റീലീസിനില്ല. എന്നാല്‍ യുവജനതയുടെ ഇടയില്‍ ഏറെ ആരാധകരുടെ പൃഥിരാജിന്‍െ്‌റ യും വിജയ് ദേവരകൊണ്ടയുടെയും ചിത്രങ്ങള്‍ ഇന്ന് തീയറ്ററുകളിലെത്തുന്നുണ്ട്.

ഓണത്തിന് മുന്നേ എത്തിയ ചിത്രങ്ങള്‍ തീയറ്ററുകളില്‍ പ്രദര്‍ശനം തുടരുകയാണ്. ഈ അവസരത്തിലാണ് സൂപ്പര്‍ താരങ്ങളും അവര്‍ക്കൊപ്പം ഏറ്റുമുട്ടാന്‍ എത്തുന്നത്. പൃഥ്വിരാജ് ചിത്രം തീര്‍പ്പ്, വിജയ് ദേവരകൊണ്ടയുടെ ലൈഗര്‍, കൃഷ്ണ ശങ്കറിന്റെ കുടുക്ക് എന്നിവയാണ് ഇന്ന് റിലീസ് ചെയ്യുന്ന പ്രധാന ചിത്രങ്ങള്‍.

വിജയ് ദേവരകൊണ്ട, അനന്യ പാണ്ഡെ എന്നിവരെ പ്രധാന കഥാപാത്രമാക്കി പുരി ജഗനാഥ്‌ സംവിധാനം ചെയ്തിരിക്കുന്ന ചിത്രമാണ് ലൈഗർ.സ്പോർട്സ് ആക്ഷൻ ത്രില്ലറായാണ്  'ലൈഗര്‍' ഒരുങ്ങുന്നത്. ചിത്രത്തിൽ മിക്സഡ് മാർഷ്യൽ ആർട്സ് താരമായാണ് വിജയ് വേഷമിടുന്നത്. ധർമ പ്രൊഡക്ഷൻസും പുരി കണക്ട്സും സംയുക്തമായി നിർമിക്കുന്ന ചിത്രം ഹിന്ദി തെലുങ്ക് ഭാഷകളിലാണ് ഒരുക്കുന്നത്.

കമ്മാരസംഭവത്തിന് ശേഷം മുരളി ഗോപിയുടെ രചനയില്‍ രതീഷ് അമ്പാട്ട് സംവിധാനം ചെയ്യുന്ന പൃഥ്വിരാജ് ചിത്രമാണ്  'തീര്‍പ്പ്.' ഇന്ദ്രജിത്ത്, സൈജു കുറുപ്പ്, വിജയ് ബാബു,മുരളി ?ഗോപി, ഇഷ തല്‍വാര്‍ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഫ്രൈഡേ ഫിലിം ഹൗസും സെല്ലുലോയ്ഡ് മാര്‍ഗും ചേര്‍ന്നാണ് ചിത്രം നിര്‍മിക്കുന്നത്.

കൃഷ്ണ ശങ്കറും ദുര്‍ഗ കൃഷ്ണയും പ്രധാന കഥാപാത്രങ്ങളെ അവതരിപ്പിക്കുന്ന 'കുടുക്ക് 2025'. മനുഷ്യന്റെ സ്വകാര്യത പ്രമേയമാക്കുന്ന ചിത്രം 2025ലെ കഥയാണ് പറയുന്നത്. 'അള്ള് രാമേന്ദ്രന്' ശേഷം സംവിധായകന്‍ ബിലഹരി ഒരുക്കുന്ന ചിത്രമാണിത്. ഷൈന്‍ ടോം ചാക്കോയും സ്വാസികയുമാണ് മറ്റ് പ്രധാന വേഷങ്ങള്‍ കൈകാര്യം ചെയ്യുന്നത്.

ജോജു ജോര്‍ജിനെ നായകനാക്കി നവാഗതനായ സന്‍ഫീര്‍ കെ സംവിധാനം ചെയ്യുന്ന പീസ് 26 നു റിലീസ് ചെയ്യും.  ആക്ഷേപഹാസ്യ സ്വഭാവത്തിലുള്ള ചിത്രത്തില്‍ കാര്‍ലോസ് എന്ന കഥാപാത്രമായാണ് ജോജു എത്തുന്നത്. സിദ്ദിഖ്, ആശ ശരത്ത്, രമ്യ നമ്പീശന്‍, അദിതി രവി, മാമുക്കോയ, അനില്‍ നെടുമങ്ങാട്, വിജിലേഷ് കരിയാട്, ഷാലു റഹിം എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.