ഇടുക്കി: യൂണിഫോമിൽ ഡ്യൂട്ടി സമയത്ത് നൃത്തം ചെയ്ത പോലീസ് ഉദ്യോഗസ്ഥന് സസ്പെൻഷൻ. ഇടുക്കി ശാന്തന്‍പാറ അഡീഷണൽ എസ് ഐയെ ആണ് സസ്പെന്റ് ചെയ്തത്. സ്പെഷ്യല്‍ ബ്രാഞ്ച് റിപ്പോര്‍ട്ടിനെ തുടര്‍ന്നാണ് നടപടി. ദൃശ്യം സാമൂഹികമാധ്യമങ്ങളില്‍ വ്യാപകമായി പ്രചരിക്കുകയാണ്.  ഇടുക്കി ശാന്തന്‍പാറ അഡീഷണല്‍ എസ്‌ഐ കെ പി ഷാജിയെയാണ് സസ്‌പെന്‍ഡ് ചെയ്തത്. കൃത്യനിര്‍വഹണത്തിനിടെ മദ്യപിച്ച് നൃത്തം ചെയ്യുകയായിരുന്നു. വീഡിയോ സമൂഹ മാധ്യമങ്ങളില്‍ പ്രചരിച്ചതോടെയാണ് സസ്‌പെന്‍ഡ് ചെയ്തത്.നൃത്തം ചെയ്യുന്നതിന്റെ വീഡിയോ പ്രചരിച്ചതിന് പിന്നാലെ സ്‌പെഷ്യല്‍ ബ്രാഞ്ച് അന്വേഷണം നടത്തിയിരുന്നു. തുടര്‍ന്ന് മൂന്നാര്‍ ഡിവൈഎസ്പിയുടെയും സ്‌പെഷ്യല്‍ ബ്രാഞ്ചിന്റെയും റിപ്പോര്‍ട്ടിന്റെ അടിസ്ഥാനത്തിലാണ് നടപടിയെടുത്തത്. എറണാകുളം റേഞ്ച് ഡിഐജി ആണ് പി ഷാജിയെ സസ്‌പെന്‍ഡ് ചെയ്തത്. പൂപ്പാറ മാരിയമ്മന്‍ ക്ഷേത്രത്തിലെ ഉത്സവത്തിനിടെ ആയിരുന്നു സംഭവം. ഉത്സവത്തോട് അനുബന്ധിച്ച് നടത്തിയ ഗാനമേളയ്ക്കിടെയാണ് ഉദ്യോഗസ്ഥന്‍ നൃത്തം ചെയ്തത്. ഒടുവില്‍ നാട്ടുകാര്‍ ചേര്‍ന്നാണ് എസ്‌ഐയെ ഡാന്‍സില്‍ നിന്ന്് പിന്തിരിപ്പിച്ചത്.

വീഡിയോ കാണാം..

https://youtu.be/bnnhpZQPVR8