18 December 2022 , 2:47 PM
പത്തനംതിട്ട: പോലീസ് സ്റ്റേഷനിലെ താൽക്കാലിക ജീവനക്കാരെ കടന്നു പിടിക്കാൻ ശ്രമം. ജില്ലാ പോലീസ് മേധാവി ഇടപെട്ടു. പോലീസുകാരന് സസ്പെൻഷൻ . ആറന്മുള മാതൃകാ പോലീസ് സ്റ്റേഷനിലെ അടുക്കളയിൽ വച്ചാണ് സിവിൽ പോലിസ് ഓഫീസർ സജീഫ് ഖാൻ ജീവനക്കാരിയെ കടന്നു പിടിക്കാൻ ശ്രമിച്ചത്. സംഭവം കേസാകുമെന്നായതോടെ ഒതുക്കി തീർക്കാൻ ശ്രമം നടന്നെങ്കിലും ജില്ലാ പോലീസ് മേധാവി അടക്കം ഇടപെട്ടതോടെ പോലീസ് ഓഫീസറെ സസ്പെൻഡ് ചെയ്തു. ആറന്മുള പോലീസ് സ്റ്റേഷനിലെ സിവിൽ പോലീസ് ഓഫീസർ സജീഫ് ഖാനെ ആണ് അന്വേഷണ റിപ്പോർട്ടിനെ തുടർന്ന് തുടർന്ന് ജില്ലാ പോലീസ് മേധാവി സ്വപ്നില് മധുകര് മഹാജന് സസ്പെൻഡ് ചെയ്തത്. സംഭവവും ഒതുക്കാനുള്ള ശ്രമവും ആറന്മുള മാതൃക പോലീസ് സ്റ്റേഷന് നാണക്കേടായിട്ടുണ്ട്.
പോലീസ് സ്റ്റേഷനിൽ താത്കാലികമായി നിയോഗിച്ചിട്ടുള്ള യുവതിയെ സ്റ്റേഷന്റെ അടുക്കളയില് വച്ച് സജീഫ് ഖാന് കടന്നു പിടിച്ചുവെന്നാണ് പരാതി. യുവതി ഇക്കാര്യം സ്റ്റേഷനില് അറിയിച്ചു. തുടര്ന്ന് പരാതി നല്കാതെ പ്രശ്നം ഒത്തു തീര്പ്പാക്കാന് ശ്രമം നടന്നു എന്നും പറയുന്നു.
സംഭവം രഹസ്യന്വേഷണ വിഭാഗം വഴി അറിഞ്ഞ പത്തനംതിട്ട ഡിവൈ എസ് പി നന്ദകുമാർ യുവതിയെ കൗണ്സിലിങ്ങിന് അയച്ചു. ഇവിടെയാണ് യുവതി നടന്ന സംഭവങ്ങള് പറഞ്ഞത്. പരാതിയിൽ കഴമ്പ് ഉണ്ടെന്ന് കണ്ടതോടെ യുവതിയുടെ മൊഴി പത്തനംതിട്ട വനിതാ പോലീസ് സ്റ്റേഷനില് രേഖപ്പെടുത്തി.
പോലീസ് ഇന്സ്പെക്ടര് ലീലാമ്മയുടെ നിര്ദേശ പ്രകാരം എഫ് ഐ ആര് രജിസ്റ്റര് ചെയ്തു. തുടർന്നാണ് ജില്ലാ പോലീസ് മേധാവി സംഭവം അന്വേഷിച്ച് റിപ്പോര്ട്ട് സമര്പ്പിക്കാന് ഡി വൈ എസ് പിമാരെ നിയോഗിച്ചത്. പത്തനംതിട്ട നാര്ക്കോട്ടിക് സെല് ഡി വൈ എസ് പി കെ എ വിദ്യാധരന്, പത്തനംതിട്ട ഡി വൈ എസ് പി എസ് നന്ദകുമാര് എന്നിവരാണ് പരാതിയിൽ അന്വേഷണം നടത്തിയത്. അന്വേഷണ റിപ്പോര്ട്ടിന്റെ അടിസ്ഥാനത്തില് ശനിയാഴ്ച രാത്രിയാണ് സസ്പെൻഡ് ചെയ്തത്. ശനിയാഴ്ച വൈകിട്ട് റിപ്പോര്ട്ട് ലഭിച്ചതോടെ രാത്രി തന്നെ സജീഫ് ഖാനെ സസ്പെന്ഡ് ചെയ്ത് ഉത്തരവ് ഇറക്കുകയായിരുന്നു.
03 November 2023 , 4:10 PM
03 November 2023 , 12:30 PM
02 November 2023 , 12:25 PM
01 November 2023 , 1:45 PM
Comments
RELATED STORIES
ഫുഡ് വ്ളോഗര് രാഹുൽ എൻ കുട്ടി മരിച്ച നിലയിൽ
04 November 2023 , 9:51 AM
മഴയ്ക്ക് സാധ്യത;വിവിധ ജില്ലകളിൽ ഓറഞ്ച്, യെലോ അലർട്ടുകൾ പ്രഖ്യാപിച്ചു
03 November 2023 , 12:33 PM
ടാറ്റൂ സ്റ്റുഡിയോയുടെ മറവിൽ ലഹരിക്കച്ചവടം; തലസ്ഥാനത്ത് വൻ എംഡിഎംഎ ശേഖരം പി..
03 November 2023 , 11:24 AM
തിരൂരങ്ങാടിയിൽ ഹണി ട്രാപ്പിലൂടെ പണം തട്ടിയ യുവതിയും സുഹൃത്തും അറസ്റ്റിൽ
03 November 2023 , 10:41 AM
കുട്ടനാട് മിത്രക്കരിയിൽ വീടിനോട് ചേർന്നുള്ള ഷെഡിന് തീപിടിച്ചതിന് രക്ഷാപ്രവർ..
02 November 2023 , 12:24 PM
ഗവർണർക്കെതിരെ നീക്കവുമായി സംസ്ഥാന സര്ക്കാര്; സുപ്രീംകോടതിയിൽ ഹർജി നൽകി
02 November 2023 , 11:34 AM