03 November 2022 , 1:11 PM
കോഴിക്കോട്: കൊച്ചി മെട്രോയ്ക്ക് ശേഷം തിരുവനന്തപുരം, കോഴിക്കോട് നഗരങ്ങളില് മെട്രോ വരുന്നു. മെട്രോ പദ്ധതിക്കായി സമഗ്ര ഗതാഗത പദ്ധതി തയ്യാറാക്കല് തുടങ്ങി. കൊച്ചി മെട്രോ റെയില് ലിമിറ്റഡിനാണ് (കെഎംആര്എല്) മേല്നോട്ടം.
പദ്ധതി തയ്യാറാക്കുന്നതിന് അര്ബന് മാസ് ട്രാന്സിറ്റ് കമ്പനി (യുഎംടിസി)യെയാണ് ചുമതലപ്പെടുത്തിയിരിക്കുന്നത്. ഏത് മെട്രോ സംവിധാനമാണ് ഈ നഗരങ്ങള്ക്ക് അനുയോജ്യമെന്ന വിലയിരുത്തലും ഇതോടൊപ്പം നടക്കും. മാര്ച്ചില് സമഗ്ര ഗതാഗത പദ്ധതി പൂര്ത്തിയാക്കും. അതിനുശേഷം വിശദമായ പദ്ധതി രൂപരേഖ തയ്യാറാക്കും. മെട്രോ പദ്ധതികളുടെ മുന്നൊരുക്ക പ്രവര്ത്തനങ്ങളുമുണ്ടാകും. ശ്രീകാര്യത്ത് മേല്പ്പാലം നിര്മ്മിക്കുന്നതിനുള്ള ടെന്ഡര് താമസിയാതെ വിളിക്കും. ഈ മേഖലയിലെ ഗതാഗതക്കുരുക്ക് കുറയ്ക്കുന്നതിന് അതു സഹായിക്കും. ഇരു നഗരങ്ങളിലെയും ജില്ലാ ഭരണകൂടത്തോടും മേയര്മാരോടും പദ്ധതി പൂര്ത്തിയാക്കുന്നതിന് കെഎംആര്എല് മാനേജിങ് ഡയറക്ടര് ലോക്നാഥ് ബെഹ്റ പിന്തുണ തേടി. പദ്ധതിക്കു മുന്നോടിയായി ഓരോ നഗരത്തിലെയും ഗതാഗത സംവിധാനങ്ങളെക്കുറിച്ച് വിശദമായ പഠനം ആവശ്യമുണ്ട്. യാത്രക്കാരുടെ എണ്ണമനുസരിച്ചാണ് മെട്രോ സംവിധാനം ഏതു വേണമെന്നു നിശ്ചയിക്കുക. മെട്രോ നിയോ, മെട്രോ ലൈറ്റ് എന്നിങ്ങനെ പല സംവിധാനങ്ങള് പ്രചാരത്തിലുണ്ട്. സാധാരണ മെട്രോയ്ക്ക് ഒരു കിലോമീറ്റര് നിര്മ്മാണത്തിന് 200 കോടി രൂപയോളം ചെലവാകും. ലൈറ്റ് മെട്രോയുടെ ചെലവ് കിലോമീറ്ററിന് 150 കോടിയും മെട്രോ നിയോയ്ക്ക് 60 കോടി രൂപയുമാണ് ചെലവ് കണക്കാക്കിയിരിക്കുന്നത്.
03 November 2023 , 4:10 PM
03 November 2023 , 12:30 PM
02 November 2023 , 12:25 PM
01 November 2023 , 1:45 PM
Comments
RELATED STORIES
ഫുഡ് വ്ളോഗര് രാഹുൽ എൻ കുട്ടി മരിച്ച നിലയിൽ
04 November 2023 , 9:51 AM
മഴയ്ക്ക് സാധ്യത;വിവിധ ജില്ലകളിൽ ഓറഞ്ച്, യെലോ അലർട്ടുകൾ പ്രഖ്യാപിച്ചു
03 November 2023 , 12:33 PM
ടാറ്റൂ സ്റ്റുഡിയോയുടെ മറവിൽ ലഹരിക്കച്ചവടം; തലസ്ഥാനത്ത് വൻ എംഡിഎംഎ ശേഖരം പി..
03 November 2023 , 11:24 AM
തിരൂരങ്ങാടിയിൽ ഹണി ട്രാപ്പിലൂടെ പണം തട്ടിയ യുവതിയും സുഹൃത്തും അറസ്റ്റിൽ
03 November 2023 , 10:41 AM
കുട്ടനാട് മിത്രക്കരിയിൽ വീടിനോട് ചേർന്നുള്ള ഷെഡിന് തീപിടിച്ചതിന് രക്ഷാപ്രവർ..
02 November 2023 , 12:24 PM
ഗവർണർക്കെതിരെ നീക്കവുമായി സംസ്ഥാന സര്ക്കാര്; സുപ്രീംകോടതിയിൽ ഹർജി നൽകി
02 November 2023 , 11:34 AM