കൊച്ചി: കൊച്ചിയിൽ വീടിന് നേരെ സ്ഫോടകവസ്തുവെറിഞ്ഞു. പള്ളുരുത്തി സ്വദേശിയുടെ വീടിനു നേരേയാണ് സ്ഫോടക വസ്തു എറിഞ്ഞ് ആക്രമണം നടത്തിയത്. പള്ളുരുത്തി തങ്ങൾ നഗറിലെ ഷഹീറിന്‍റെ വീടിന് നേരെയാണ് ആക്രമണമുണ്ടായത്. ഷഹീർ കരാർ അടിസ്ഥാനത്തിൽ പണം നൽകി താമസിക്കുന്ന വീടാണിത്. ഇന്നലെ രാത്രിയാണ് സംഭവം.വീടിന്‍റെ ജനൽ ചില്ല് സ്ഫോടനത്തിൽ തകർന്നു കമ്പി വളഞ്ഞു പോയി. പള്ളുരുത്തി പൊലീസെത്തി തെളിവെടുപ്പ് നടത്തി. സംഭവത്തിന്‍റെ കാരണം വ്യക്തമായിട്ടില്ലെന്ന് പൊലീസ് പറഞ്ഞു. ഷഹീറുമായുള്ള വ്യക്തിവിരോധമുള്ള ചിലരാണ് ആക്രമണത്തിന് പിന്നിലെന്നാണ് സൂചന.