ദോഹ: ലോകകപ്പിൽ ഖത്തർ ടീം എല്ലാവരെയും അത്ഭുതപെടുത്തും, ഖത്തർ ക്വാർട്ടർ ഫൈനൽ വരെയെത്തുമെന്ന് പ്രവചിച്ച് കാമറൂൺ ഇതിഹാസതാരം സാമുവൽ എറ്റൂ.

കാമറൂണിയൻ ഫുട്ബോൾ അസോസിയേഷൻ പ്രസിഡന്റും ഖത്തർ ലെഗസി അംബാസഡറുമായ സാമുവൽ എറ്റൂ, ഖത്തർ 2022 ഫിഫ ലോകകപ്പ് ആരാധകരെ അത്ഭുതപ്പെടുത്തുമെന്നും ക്വാർട്ടർ ഫൈനലിലെത്തുമെന്നും പ്രവചിച്ചു.

“അടുത്ത വർഷങ്ങളിൽ ഖത്തർ നടത്തിയ പ്രവർത്തനങ്ങളും ടീം എങ്ങനെ വളർന്നുവെന്നും പക്വത പ്രാപിച്ചുവെന്നും ഞങ്ങൾ ഇതിനകം കണ്ടു. “ഖത്തറിന്റെ ഗുണങ്ങൾ മറ്റ് ടീമുകൾ അറിയാത്തതിനാൽ അവ ഒരു സർപ്രൈസ് പാക്കേജായിരിക്കുമെന്ന് ഞാൻ കരുതുന്നു. Qatar2022.qa എന്ന വെബ്‌സൈറ്റിനോട് സംസാരിച്ച എറ്റൂ പറഞ്ഞു.

തന്റെ രാജ്യം അദ്ഭുതപ്പെടുത്തുകയും ലോകകപ്പ് ട്രോഫി നേടുകയും ചെയ്യുമെന്ന് എറ്റൂ പ്രത്യാശ പ്രകടിപ്പിച്ചു. “ഇത് ഒരു സ്വപ്ന സാക്ഷാത്കാരമായിരിക്കും. ഏതൊരു കളിക്കാരന്റെയും സ്വപ്നം കിരീടങ്ങൾ നേടുക എന്നതാണ്. ഞങ്ങളുടെ ഫെഡറേഷന്റെ പ്രസിഡന്റ് എന്ന നിലയിൽ, കാമറൂൺ ലോകകപ്പ് നേടുന്നത് കാണുമ്പോൾ ഞാൻ അത്യധികം സന്തോഷിക്കും, ”അദ്ദേഹം പറഞ്ഞു.