29 October 2022 , 6:36 AM
കോട്ടയം: രണ്ട് വർഷത്തെ ഇടവേളയ്ക്ക് ശേഷം കോട്ടയം താഴത്തങ്ങാടിയിൽ ജല മാമാങ്കം. ചാമ്പ്യൻസ് ബോട്ട് ലീഗ് ആൻഡ് ഗെയിൽ കോട്ടയം മത്സര വള്ളംകളി ഇന്ന് ഉച്ചകഴിഞ്ഞ് മീനച്ചിലാറ്റിൽ നടക്കും. വള്ളംകളിക്ക് സിബിഎൽ വിഭാഗത്തിലെ 9 ചുണ്ടൻ വള്ളങ്ങളോടൊപ്പം, ഇരുട്ടുകുത്തി, വെപ്പ്, ചുരുളൻ വിഭാഗങ്ങളടക്കം 27 വള്ളങ്ങളാണ് രജിസ്റ്റർ ചെയ്തിട്ടുള്ളത്.
കോട്ടയം വെസ്റ്റ് ക്ലബ്, കോട്ടയം നഗരസഭ, ഡിടിപിസി, തിരുവാർപ്പ് പഞ്ചായത്ത് എന്നിവർ ചേർന്നാണ് മത്സരം സംഘടിപ്പിക്കുന്നത്. ചാമ്പ്യൻസ് ബോട്ട് ലീഗും ഗെയിൽ കോട്ടയം മത്സര വള്ളംകളിയും ഒരുമിച്ച് നടക്കുന്നതിനാൽ ചുണ്ടൻ വള്ളങ്ങളുടെയും ചെറുവള്ളങ്ങളുടെയും ഉജ്വല പോരാട്ടങ്ങൾക്കായിരിക്കും താഴത്തങ്ങാടി വേദിയാവുക.
മഹാദേവികാട്കാട്ടിൽ തെക്കേതിൽ (പള്ളാത്തുരുത്തി ബോട്ട് ക്ലബ്), നടുഭാഗം (എൻ.സി.ഡി.സി. കുമരകം), വീയപുരം (പുന്നമട ബോട്ട് ക്ലബ്, ആലപ്പുഴ), ചമ്പക്കുളം (പൊലീസ് ബോട്ട് ക്ലബ്), ചെറുതന(യു.ബി.സി. കൈനകിരി), പായിപ്പാടൻ (വേമ്പനാട് ബോട്ട് ക്ലബ്, കുമരകം), സെന്റ് പയസ് ടെൻത് (ടൗൺ ബോട്ട് ക്ലബ് കുമരകം), ആയാപറമ്പ് പാണ്ടി ( കുമരകം ബോട്ട് ക്ലബ്), ദേവാസ് (വില്ലേജ് ബോട്ട് ക്ലബ്, എടത്വ ) എന്നിവയാണ് മത്സരത്തിൽ പങ്കെടുക്കുന്ന ചുണ്ടൻ വള്ളങ്ങൾ.
ചെറുവള്ളങ്ങളിൽ വെപ്പ് എ ഗ്രേഡ് വിഭാഗത്തിൽ കോട്ടപ്പറമ്പൻ (കാവാലം ബോട്ട് ക്ലബ്), അമ്പലക്കടവൻ (സമുദ്ര ബോട്ട് ക്ലബ് കുമരകം), ജയ്-ഷോട്ട് മാലിയിൽ പുളിക്കത്തറ ( ഫ്രണ്ട്സ് ബോട്ട് ക്ലബ്, ഒളശ) എന്നിവയാണ് മത്സരിക്കുക. ഇരുട്ടുകുത്തി എ ഗ്രേഡ് വിഭാഗത്തിൽ തുരുത്തിത്തറ(ആർപ്പൂക്കര ബോട്ട് ക്ലബ് ) , മൂന്ന് തൈയ്ക്കൻ ( ഫ്രണ്ട്സ് ബോട്ട് ക്ലബ് ഒളശ) , മാമൂടൻ (പരിപ്പ് ബോട്ട് ക്ലബ് ), എന്നിവയും വെപ്പ് ബി ഗ്രേഡ് വിഭാഗത്തിൽ ചിറമേൽ തോട്ടു കടവൻ(അറുപുഴ ബോട്ട് ക്ലബ് ) , പുന്നത്ര പുരയ്ക്കൻ (യുവാ തിരുവാർപ്പ് ), എബ്രഹാം മൂന്നു തൈക്കൻ ( കൊടുപ്പുന്ന ബോട്ട് ക്ലബ് ) , പി.ജി. കരീപ്പുഴ( യുവശക്തി ബോട്ട് ക്ലബ് കുമരകം) എന്നിവയാണ് മത്സരിക്കുന്നത്.
ഇരുട്ടുകുത്തി ബി ഗ്രേഡ് വിഭാഗത്തിൽ ശരവണൻ ( ഐ.ബി.ആർ എ കൊച്ചി), സെന്റ് ആന്റണീസ് ( കൈരളി ബോട്ട് ക്ലബ് ചെങ്ങളം സൗത്ത്), സെന്റ് ജോസഫ് ( യുവദർശന ബോട്ട് ക്ലബ്, കുമ്മനം ), വലിയ പണ്ഡിതൻ ( എസ്.എൻ.ബി.സി മുളക്കുളം ), കുറുപ്പുപറമ്പൻ (ആപ്പീത്ര ബോട്ട് ക്ലബ് ) , ദാനിയേൽ (സി.ബി.സി തിരുവാർപ്പ് ) എന്നിവയും ചുരുളൻ വിഭാഗത്തിൽ വേലങ്ങാടൻ (വരമ്പിനകം ബോട്ട് ക്ലബ്) ,കോടിമത (കാഞ്ഞിരം ബോട്ട് ക്ലബ്) എന്നിവയും മത്സരിക്കും.
ഉച്ചകഴിഞ്ഞ് രണ്ടിന് മന്ത്രി റോഷി അഗസ്റ്റിൻ ജലോത്സവം ഉദ്ഘാടനം ചെയ്യും. തിരുവഞ്ചൂർ രാധാകൃഷ്ണൻ എം.എൽ.എ.അദ്ധ്യക്ഷത വഹിക്കും. ജോസ് കെ മാണി എം.പി. മുഖ്യപ്രഭാഷണം നടത്തും. തോമസ് ചാഴികാടൻ എം.പി. നഗരസഭാധ്യക്ഷ ബിൻസി സെബാസ്റ്റ്യന് നൽകി സുവനീറിന്റെ പ്രകാശനം നിർവഹിക്കും. ജില്ലാ പഞ്ചായത്ത് പ്രസിഡന്റ് നിർമ്മല ജിമ്മി സി.ബി.എൽ സന്ദേശം നൽകും. കളക്ടർ ഡോ. പി.കെ ജയശീ പതാക ഉയർത്തും. വള്ളംകളിക്ക് 25 വർഷം നേതൃത്വം നൽകിയ വെസ്റ്റ് ക്ലബിനെ മുൻ എം.പി. കെ. സരേഷ് കുറുപ്പ് അനുമോദിക്കും.
04 November 2023 , 9:51 AM
03 November 2023 , 4:10 PM
03 November 2023 , 12:33 PM
03 November 2023 , 12:30 PM
Comments
RELATED STORIES
ഏഷ്യാഡിൽ ഇന്ത്യക്ക് നൂറുമേനി
07 October 2023 , 9:54 AM
2034 ഫുട്ബോള് ലോകകപ്പിന് ആതിഥേയത്വം വഹിക്കാന് താത്പര്യം പ്രകടിപ്പിച്ച് സൗ..
06 October 2023 , 4:24 PM
ഏഷ്യൻ ഗെയിംസ് ക്രിക്കറ്റ്; ബംഗ്ലാദേശിനെ തകർത്ത് ഇന്ത്യ ഫൈനലിൽ
06 October 2023 , 12:21 PM
ഏകദിന ക്രിക്കറ്റ് ലോകകപ്പിന് ഇന്ന് തുടക്കം
05 October 2023 , 8:57 AM
ബെംഗളൂരു എഫ്സിയെ മുട്ടുകുത്തിച്ച് കേരള ബ്ലാസ്റ്റേഴ്സിന്റെ വിജയാഘോഷം
21 September 2023 , 9:43 PM
രാജപ്രമുഖൻ ട്രോഫി നടുഭാഗം ചുണ്ടന്
03 July 2023 , 6:16 PM