വളരെ കുറച്ചുകാലംകൊണ്ട് സോഷ്യല്‍മീഡിയായില്‍ തരംഗമായി മാറിയ മലയാള ചലച്ചിത്രതാരം ഹണിറോസ് തനിക്കെതിരെയുള്ള ബോഡി ഷെയിമിങ്ങിന് പ്രതികരണവുമായി രംഗത്ത്. ഒരു മാധ്യമത്തിന് നല്‍കിയ അഭിമുഖത്തിലാണ് താരം ബോഡി ഷെയിമിങ്ങിനെകുറിച്ച് വാചാകുലയായത്. ഹണിറോസിന്‍െ്‌റ വാക്കുകളിലേയ്ക്ക്ഃ-
'ഇതൊന്നും സേര്‍ച്ച് ചെയ്ത് നോക്കാറില്ല. പക്ഷെ നമ്മുടെ മുമ്പിലേക്ക് ഇതെല്ലാം വരുമല്ലോ. ആദ്യമൊക്കെ എനിക്കും ഇത് അത്ഭുതമായിരുന്നു. പിന്നീട് മനസിലായി ഇക്കാര്യത്തില്‍ എന്ത് പ്രൂവ് ചെയ്യാനാണെന്ന് ബോഡി ഷെയിമിങ്ങിന്റെ അങ്ങേയറ്റമാണ് എനിക്കെതിരെ നടന്നുകൊണ്ടിരിക്കുന്നത്. ഇതിന്റെയൊക്കെ ആവശ്യമുണ്ടോ എന്ന് എഴുതുന്ന ആളുകള്‍ സ്വയം ചിന്തിക്കേണ്ടതാണ്. നമ്മള്‍ പോസിറ്റീവ് അന്തരീക്ഷത്തില്‍ ജീവിക്കുന്നതാണ് എന്തുകൊണ്ടും നല്ലത്. ഇതൊക്കെ സോഷ്യല്‍ മീഡിയ ഉപയോഗിക്കുന്ന വളരെ കുറച്ച് ആളുകള്‍ മാത്രം ചെയ്യുന്നതാണ്. അതല്ലാതെ എല്ലാവരും ഇങ്ങനെയല്ല. നമ്മുടെ ഫാമിലിയില്‍ ഉള്ളവരോ സുഹൃത്തുക്കളോ ഇങ്ങനെ കമന്റ് ചെയ്യുന്നതായി ഞാന്‍ എവിടെയും കണ്ടിട്ടില്ല. കമന്റ് ഇടുന്ന ആളുകള്‍ ചിലപ്പോള്‍ ഫേക്ക് അക്കൗണ്ടുകളായിരിക്കാം. നമ്മള്‍ പുറത്തിറങ്ങുമ്പോള്‍ അവിടെയും ഇവിടെയും ഇരുന്ന് വൃത്തികെട്ട കമന്റുകള്‍ പറയുന്ന ഒരു ഗ്രൂപ്പ് ആളുകളായിരിക്കാം ഇങ്ങനെയൊക്കെ പറയുന്നത്. അതൊക്കെ അവസാനിക്കണം എന്ന് വളരെയധികം ആഗ്രഹിക്കുന്ന വ്യക്തിയാണ് ഞാനെന്നും' ഹണി റോസ് അഭിമുഖത്തില്‍ പറഞ്ഞു.
വസ്ത്രധാരണ രീതിയിയേക്കുറിച്ചുള്ള ട്രോളുകള്‍ കാണാറുണ്ടെന്നും അത താന്‍ ആസ്വദിക്കാറുണ്ടെന്നും ഹണിറോസ് പറയുന്നു.