ആലപ്പുഴ: നഗരസഭയിൽ പ്രതിപക്ഷമായ  കോൺഗ്രസ് കൗൺസിലർമാർ ചെയർപേഴ്സൺ സൗമ്യരാജിനെ തടഞ്ഞു വച്ചു പ്രതിഷേധിച്ചു.

     ലഹരിക്കടത്ത് കേസിൽ ആരോപണ വിധേയനായ ഷാനവാസിനെ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സ്ഥാനത്തു നിന്ന് മാറ്റാതെ യോഗം ചേരുന്നതിറെതിരെ ആയിരുന്നു പ്രതിഷേധം. ചെയർപേഴ്സനെ നഗരസഭാ ഓഫീസിലേയ്ക്ക് പ്രവേശിപ്പിക്കാതെ തടയുകയായിരുന്നു.

        ഷാനവാസ് ചെയർമാനായ സ്റ്റാൻഡിങ് കമ്മിറ്റിയുടെ യോഗം ഇന്ന് വിളിച്ചു ചേർത്തിരുന്നു. ഷാനവാസിന്റെ അസാന്നിദ്ധ്യത്തിൽ താൽക്കാലിക അദ്ധ്യക്ഷനെ നിശ്ചയിച്ച് യോഗം ചേരാൻ പ്രതിപക്ഷ കൗൺസിലർമാർ അനുവദിച്ചില്ല.

        ചെയർപേഴ്സനെ തടഞ്ഞ പ്രതിപക്ഷത്തിന്റെ പ്രതിഷേധത്തെ പ്രതിരോധിച്ച് ഭരണപക്ഷ കൗൺസിലർമാരും രംഗത്തെത്തി. തുടർന്ന് പ്രതിപക്ഷ കൗൺസിലർമാരെ പോലീസ് അറസ്റ്റ് ചെയ്തു നീക്കി.