ദോഹ: ലോകകപ്പ് ഫുട്ബോളിൽ ഫ്രാന്‍സ് പ്രീക്വാര്‍ട്ടറില്‍. അത്യന്തം വാശിയേറിയ മത്സരത്തില്‍ ഡെൻമാർക്കിനെ ഒന്നിനെതിരെ രണ്ട് ​ഗോളുകൾക്ക് തോല്പിച്ചാണ് ഫ്രാൻസ് പ്രീ ക്വാര്‍ട്ടറില്‍ എത്തുന്ന ആദ്യ ടീമായത്.

ഫ്രാൻസിന് വേണ്ടി കിലിയന്‍ എംബാപ്പെയാണ് രണ്ട് ​ഗോളുകളും നേടിയത്.

ഇതോടെ മൂന്ന് ഗോളുകളുമായി എംബാപ്പേ ഖത്തര്‍ ലോകകപ്പിലെ ഗോള്‍ വേട്ടക്കാരില്‍ മുന്നിലെത്തി.

ഡെൻമാർക്കിന്റെ ആശ്വാസ ​ഗോൾ ക്രിസ്റ്റ്യൻസന്റെ വകയായിരുന്നു. 

ഗോള്‍ രഹിതമായ ഒന്നാം പകുതിക്ക് ശേഷം കളി മാറിയതോടെ മനോഹരമായ ആക്രമണ ഫുട്ബോളിന് സ്റ്റേഡിയം  സാക്ഷിയായി. 

ഇരു ടീമും നിരവധി ഗോളവസരങ്ങളാണ് സൃഷ്ടിച്ചത്‌. 

ഗോളികളുടെ മികവ് കണ്ട മത്സരത്തില്‍ പലപ്പോഴും ഗോള്‍ പോസ്റ്റും വില്ലനായി.