07 February 2023 , 7:48 AM
കോട്ടയം: ഹൃദയം തുറക്കാതെ രക്തക്കുഴലുകളില് കൂടി കടത്തിവിടുന്ന ട്യൂബിലൂടെ (കത്തീറ്റര്) ഹൃദയ വാല്വ് മാറ്റുന്ന നൂതന ശസ്ത്രക്രിയയായ 'ടാവി' വിജയകരമായി നടത്തി കോട്ടയം മെഡിക്കല് കോളജ് ആശുപത്രി.
ഇവിടെ ഇതാദ്യമായാണ് ടാവി ശസ്ത്രക്രിയ നടക്കുന്നത്. പത്തനംതിട്ട സ്വദേശിയായ അറുപത്തിയൊന്നുകാരിയാണ് ശസ്ക്രിയയ്ക്ക് വിധേയയായത്. ശനിയാഴ്ച നടന്ന ശസ്ത്രക്രിയയ്ക്ക് ശേഷം രോഗി സുഖം പ്രാപിച്ചു വരുന്നു.
വിജയകരമായി ശസ്ത്രക്രിയ നടത്തിയ മുഴുവന് ടീമിനും ആരോഗ്യ വകുപ്പ് മന്ത്രി വീണാ ജോര്ജ് അഭിനന്ദനമറിയിച്ചു.
മെഡിക്കല് കോളജ് സൂപ്രണ്ട് ഡോ. ടി.കെ. ജയകുമാര്, കാര്ഡിയോളജി വിഭാഗം മേധാവിയും ഒന്നാം യൂണിറ്റ് തലവനുമായ ഡോ. വി.എല്. ജയപ്രകാശ്, ഡോ. ആശിഷ് കുമാര്, രണ്ടാം യൂണിറ്റ് മേധാവി ഡോ. സുരേഷ് മാധവന്, ഡോ. എന്. ജയപ്രസാദ്, ഡോ. സുധ, ഡോ. ജിത്തു സാം രാജന്, ഡോ. പി.ജി. അനീഷ്, കാര്ഡിയക് അനേസ്തെഷ്യ മേധാവി ഡോ. മഞ്ജുഷ പിള്ള, നഴ്സുമാരായ എലിസബത്ത്, ഗോപിക, ടെക്നീഷ്യന്മാരായ അരുണ, ജിജിന്, സന്ധ്യ എന്നിവരടങ്ങിയ മെഡിക്കല് സംഘമാണ് ടാവി ശസ്ത്രക്രിയയ്ക്ക് നേതൃത്വം നല്കിയത്. പ്രിന്സിപ്പല് ഡോ. എസ് ശങ്കറും സന്നിഹിതനായിരുന്നു. 13 ലക്ഷം രൂപ ചെലവു വരുന്ന ശസ്ത്രക്രിയ ഏകദേശം 11 ലക്ഷം രൂപയ്ക്ക് പൂര്ത്തീകരിക്കാനായി.
ടാവി ചികിത്സയെന്നാൽ...
തകരാറിലായ അയോര്ട്ടിക് വാല്വ് മാറ്റിവയ്ക്കേണ്ടതും എന്നാല് പ്രായാധിക്യമോ മറ്റു അവശതകളോ കാരണം ഹൃദയം തുറന്നുള്ള ശസ്ത്രക്രിയക്ക് വിധേയരാകാന് സാധിക്കാത്തവരിലാണ് ടാവി ചെയ്യുന്നത്. അയോര്ട്ടിക് സ്റ്റിനോസിസ് ഉള്ളപ്പോഴും വളരെ ചുരുക്കമായി അയോര്ട്ടിക് വാല്വിന് ചോര്ച്ച വരുന്ന അവസ്ഥയിലുമാണ് ടാവി ചെയ്യാറുള്ളത്.
ടാവിക്ക് സാധാരണ വാല്വ് മാറ്റിവയ്ക്കല് ശാസ്ത്രക്രിയയുമായി വ്യത്യാസമുണ്ട്. പ്രായം കൂടിയവര്, ശ്വാസകോശ സംബന്ധമായ അസുഖമുള്ളവര്, ഹൃദയത്തിന്റെ പമ്പിങ് കുറഞ്ഞവര് എന്നിവരില് ഹൃദയം തുറന്നുള്ള (ഓപ്പണ് ഹാര്ട്ട് സര്ജറി) ശസ്ത്രക്രിയ ബുദ്ധിമുട്ടാണ്. ഇങ്ങനെയുള്ള രോഗികള്ക്ക് ഗുണകരമാണ് ടാവി. രോഗിയെ ബോധം കെടുത്തുന്നില്ല, വലിയ മുറിവ് ഉണ്ടാകുന്നില്ല, രക്തനഷ്ടം കുറവാണ് എന്നിവ ടാവിയുടെ പ്രത്യേകതയാണ്. കുറഞ്ഞ ദിവസത്തെ ആശുപത്രി വാസത്തിന് ശേഷം വളരെ വേഗം തന്നെ രോഗിക്ക് സാധാരണ ജീവിതത്തിലേക്ക് മടങ്ങിവരാന് സാധിക്കും.
04 November 2023 , 9:51 AM
03 November 2023 , 12:33 PM
03 November 2023 , 12:30 PM
03 November 2023 , 11:24 AM
Comments
RELATED STORIES
കുക്കുബറുകൊണ്ട് ധാരാളം ഗുണങ്ങളുണ്ട്....... ഉപയോഗിക്കേണ്ട രീതികള്, അറിയാം....
03 November 2023 , 4:10 PM
നിപ: കോഴിക്കോട് ചികിത്സയിലായിരുന്ന ഒൻപത് വയസുകാരൻ ഉൾപ്പെടെയുള്ള നാല് പേരും..
29 September 2023 , 10:45 AM
നിപയില് ആശ്വാസം; ഏഴ് സാംപിള് പരിശോധന ഫലം കൂടി നെഗറ്റീവ്
22 September 2023 , 12:04 PM
നിപ ആശങ്ക ഒഴിയുന്നു,. ഇന്ന് പുറത്ത് വന്ന 61 ഫലങ്ങളും നെഗറ്റീവ്
18 September 2023 , 11:49 AM
തിരുവനന്തപുരത്തും നിപ സംശയം
13 September 2023 , 9:14 AM
നിപ ഭീഷണി; കോഴിക്കോട് ചികിത്സയിലുള്ളത് 4 പേർ
12 September 2023 , 10:39 AM