കോഴിക്കോട്: ജില്ലയിലെ പേരാമ്പ്ര പഞ്ചായത്തിൽ  ഒട്ടേറെ വൈവിധ്യങ്ങള്‍ നിറഞ്ഞ കുന്നിന്‍പ്രദേശമാണ് ചേര്‍മല.  സായാഹ്നത്തിലെ ദൃശ്യവിരുന്ന് ആസ്വദിക്കാനായി നിരവധിയാളുകളെത്തുന്ന ചേര്‍മലയെ കോഴിക്കോട് ജില്ലയിലെ തന്നെ പ്രധാന വിനോദസഞ്ചാര കേന്ദ്രമാക്കാനുള്ള പദ്ധതിക്ക് തുടക്കമാവുകയാണ്. കേരളത്തിൽ തന്നെ ഏറ്റവും വലിപ്പമുള്ള പ്രകൃതിദത്ത ഗുഹകളിൽ ഒന്നുകൂടി ഈ പദ്ധതിയുടെ സാധ്യത വർധിപ്പിക്കുന്നതാണ്.  

ആദ്യഘട്ടമായി 3.72 കോടി രൂപ ചെലവഴിച്ച് നടപ്പാത, ഇരിപ്പിടങ്ങള്‍, ഓപ്പണ്‍ എയര്‍ തിയേറ്റര്‍, എന്നിവയെല്ലാം ഒരുക്കുന്ന പദ്ധതിയാണ് നടപ്പിലാക്കുന്നത്.

മുൻ മന്ത്രിയും പേരാമ്പ്ര എംഎൽഎയുമായ ടി പി രാമകൃഷ്ണൻ, ഡിടിപിസി അംഗമായ എസ് കെ  സജീഷ്, കലാകാരൻമാരും  ജനപ്രതിനിധികളും ഈ പദ്ധതിമുന്നോട്ടു കൊണ്ടുപോകുന്നതിൽ വലിയ സഹായം ടൂറിസം വകുപ്പിന് നൽകിയിട്ടുണ്ടെന്ന് മന്ത്രി മുഹമ്മദ് റിയാസ് പറഞ്ഞു.